Outro grande clássico da cançom patriótica na voz de Suso Baamonde. A
criatividade popular acrescentou um verso no fim: “e nom em Bonaval”, em
referência ao traslado dos restos mortais de Castelao ordenado pola Junta presidida por AP em aberta contradiçom com o desejo do insigne patriota no seu testamento.
No seu legado final Castelao deixou escrito que desejava ser soterrado em Ponte-Vedra quando Galiza fosse livre. As duas últimas estrofes desta cançom vincam na continuidade político-ideológica que umha nova geraçom de galegos estabelecem com o seu guieiro. Refere-se assim à geraçom nova da década de 60, que consegue salvar a tentativa de liquidaçom do nacionalismo pola via culturalista e especulativa.
Talvez toque às geraçons actuais denunciar novas tentativas de neutralizaçom do rianjeiro, estabelecidas agora por conversos e autonomistas de nova fornada.
lyrics
Companheiro Daniel de vida inumerável
como os astros do céu e os caminhos do mar
na tenebrosa noite da pátria inabitável
temos-te no recordo com mao à luz alva.
A ti falo Daniel, morto longe da terra
és nosso e a tua luz alumeia a escuridade
que nos deixou a história de três anos de guerra
em que os lobos matárom a luz e a liberdade.
Companheiro Daniel, as pistolas soavam
e enluitárom cunetas com sangue luitador
as pistolas soavan e os pambidos berravam
a terrível vitória do ódio e do terror.
E ti foche-te longe predicar no deserto
para erguerdes um exército que endejamais luitou
e morreche um dia sem veres entreaberto
o caminho da volta que a tua alma sonhou.
P'ro na Pátria abatida e do povo explorado
nascemos nós os filhos da morte e do tristém
procurando furiosos vingança e novo Estado
e umha roxa alvorada sem cabo nem comém.
E a ti bom companheiro que o furacám aleive
matou desesperado na outra banda do mar
prometemos-che a terra dumha Galiza ceive
para enterrar teus ossos onde tenhem que estar.
The new double EP from Berlin group Jealous is delightfully difficult to pin down—goth-y dark rock that delivers endless chills. Bandcamp New & Notable Jun 26, 2021
This brutal 7” from the Australian group Power is crammed to the gills with gnarled riffs and searing, throat-shredding vocals. Bandcamp New & Notable Sep 7, 2019
A surprise release from the prolific Ty Segall pulls together six recordings from the past few years for an EP that benefits the ACLU. Bandcamp New & Notable Jul 28, 2017
Famous Class start 2015 on the right foot with a new 4-tracker from effervescent, surf-tinged, rock-n-roller Ty Segall. Bandcamp New & Notable Jan 8, 2015