about
Possivelmente a cançom mais conhecida e versionada dum dos melhores grupos da música do nosso país, e dos poucos abertamente ligados ao nacionalismo. O tema vai incluído no disco Sementeira de 1979, quarto LP da agrupaçom que supujo um salto qualitativo na sua carreira. Como é habitual na literatura e na cançom política galega, o trabalho do agro utiliza-se como metáfora da luita militante e do aguardado renascimento nacional. Um conjunto que começou a sua andaina em 1972 e cujo espírito se mantém hoje na formaçom A Quenlla, insistente na continuidade com a música de intervençom na Galiza.
lyrics
Sementar sementarei,
loguinho de clarear,
entanto no povo medre
um meninho,
um velho e um cantar.
Um meninho rebuldeiro
que fale na língua mae
que suba nos pexegueiros
a fruta verde a roubar.
Um velho que dê conselhos
um rosto de fume e pam
que conte contos aos nenos
do cuco e do paspalhás.
Um cantar de redençom
um velho e novo cantar
que troque a desolaçom
num limpo e claro alvorar.
Logo, deixai-me morrer,
entre dous regos, queimado,
quando venhan os solpores
dos homens esfomeados.
credits
from
Armada,
released December 22, 2022
license
all rights reserved